ሞያዊ ስልጠና ኣብ ጀርመን

ሞያዊ ስልጠና ኣብቲ እትስልጥንሉ ስራሕ ዘድልየኩም ሞያዊ ክእለት፡ ፍልጠትን ክእለትን ንምሃብ ዝዓለመ እዩ። ከም ሰራሕተኛ ጥራይ ክትሰርሑ ዘይኮነስ፡ ኣብ ስራሕኩም ብሓላፍነትን ብቑዕነትን ንክትዋስኡ ክትመሃሩ ይግባእ።

እቲ ናይ ስልጠና ማዕቀፍ ኣብ ነፍሲ ወከፍ ዓመት ናይ ስራሕ ልምምድኩም ክትመሃሩዎ ዝግበኣኩም ትሕዝቶ ይገልጽ። ኣሰልጣኒኹም ምስዚ ማዕቀፍ ዝሰማማዕ መምርሒታት ክህበኩም መሰል ኣለዎ። ካብ ሞያዊ ስልጠናኩም ወጻኢ ዝኾነ ስራሕ ክትሰርሑ ግን ግዴታኩም ኣይኮነን።

ናይ ስልጠና ውዕልኩም እዞም ዝስዕቡ ነጥብታት ከጠቓልል ኣለዎ፤

• እንታይ ክትመሃሩን ክንደይ ግዜ ክወስድን እዩ
• ኣበይ ክትሰርሑ ኢኩም መን እዩ ኣሰልጣኒኩም
• ናይ ስራሕ ሰዓታትኩም
•  ደሞዝኩም
• ንበዓላትን ምቁራጽ ስራሕን ዝምልከት ኣገደስቲ ጉዳያት
• ንናይ ሓባር ስምምዕን ናይ ኩባንያ ስምምዓትን መወከሲ፣ ኣድላዪ እንተኾይኑ።

ካብ 2024 ንዝጅምሩ ናይ ስልጠና ኮርሳት፡ እቲ ብሕጊ ዝተሓተ ደሞዝ ኣብ ቀዳማይ ዓመት ስልጠና ኣብ ወርሒ 649 ዩሮ ሓፈሻዊ እዩ። እቲ ትካል ናይ ሓባራዊ ስምምዕ(Tarifvertrag ) እንተሃልይዎ፡ ደሞዝኩም ብእኡ እዩ ዝውሰን መብዛሕትኡ ግዜ ድማ ካብኡ ንላዕሊ።

በዚ ኣጋጣሚ’ዚ ማንም ሰብ ናይ ሞያዊ ስልጠና ቦታ ስለ ዝረከበልኩም፡ ካባኩም ገንዘብ ክሓትት ኣይፍቀደሉን እዩ። እዚ ኣብ ጀርመን ክልኩል እዩ።

ከም እኩል ሰብ (18 ዓመትን ልዕሊኡን) ኣብ ትሕቲ ዝተወሰኑ ኩነታት ተወሳኺ ሰዓት ክትሰርሑ ይፍቀደልኩም እዩ። እዚ ዝፍቀድ ንዕላማ ትምህርቲ ስልጠናኩም ዘገልግል እንተኾይኑ ጥራይ እዩ። እቲ ተወሳኺ ሰዓታት ኣብ ዝቕጽሉ ሒደት ሰሙናት ክኽሓስ ኣለዎ። ኣሰልጣኒኩም ኩሉ ግዜ ድሉው ክኸውንን ክከታተለኩምን ኣለዎ።

ኣብ እዋን ስልጠናኩም፡ ነቲ ዝተማሃርኩሞ እትምዝግብሉ መጽሓፍ ጸብጻብ ክትሕዙ ኣለኩም። ኣሰልጣኒኹም ክምርምሮን ክፈርሞን እዩ። መጽሓፍ ጸብጻብ ናይ ትምህርቲ ምዕባሌኩም መርትዖ ጥራይ ዘይኮነስ፡ ኣድላዪ እንተኾይኑ ዝተወሰነ ትሕዝቶ ከምዘይተማሃርኩም ዘረጋግጽ ሰነድ እውን እዩ። ብቐጻሊ ክትመልእዎ ኣገዳሲ እዩ። መጽሓፍ ጸብጻብ ምሕላው ኣካል ናይ ስራሕ ግዜኹም እዩ። ኣሰልጣኒኩም ኣብ ናጻ ግዜኩም ክትገብሮ ከገድደኩምኣይክእልን እዩ።

ንሖትካ ምስ ልምምድ ሞያዊ ስልጥናኩም ዝተኣሳሰረ እንተኾይኑ፡ ልምምድኩም እንተ ኣቋሪጽኩም ኣብ ጸገም ከይትኣትዉ ክትጥንቀቑ ኣለኩም። ምቁራጽ ስልጠና ማለት ግን ብቕልጡፍ ካብ ጀርመን ክትወጹ ኣለኩም ማለት ኣይኮነን። ብዙሕ ግዜ ሓድሽ ጻንሖት ናይ ምርካብ ተኽእሎ ኣሎ፤ ንኣብነት ሓድሽ ናይ ስልጠና ቦታ ንምድላይ።

ድሕሪ ናይ ፈተነ ግዜ፡ “ብዘይተለምደ መንገዲ” ክትቋረጹ እትኽእሉ፡ ብኸቢድ ጌጋ ባህሪ ምስ ዝህልወኩም ጥራይ እዩ። ብዘይፍትሓዊ መንገዲ ተቛሪጽኩም ኢኩም ኢልኩም እንተኣሚንኩም ይግባይ ናይ ምቕራብ መሰል ኣሎኩም። ኣድላዪ እንተኾይኑ ምኽርን ሓገዝን ድለዩ፤ ንኣብነት ምስ ባይቶ ስራሕ፡ ምስ ወከልቲ መንእሰያትን ስልጠናን፡ ዝእመን መምህር ወይ ምስ ሓላፍነት ዝስከም ባይቶ ወይ ማሕበር።

ንዓኻትኩም ኣብዚ ኣለና! ነጻን ምስጢራዊን እዩ።